老公仔, 真係好多謝您, 您對我的愛同支持係好大的動力嚟架

初初知道會影響我地的planning真係好唔開心, 我地每一個計劃都係咁有意思, 當知道影響係必然的時候, 我好憂慮擔心, 您會點唸呢?會唔會好唔開心? 本來好喜歡頂硬上的我, 今次都唔夠膽亂咁嚟, 怕影響到個身體, 到時影響更多野真係大件事, 而且唔想父母太擔心(佢地已經好心痛架啦), 不過真係十萬個唔願意令您有一絲唔開心, 可以點做呢? 真係頭都痛

始終要同您講, gp揀相要delay, 聽到您猶豫的聲音, 我又想頂硬上, 不過您好錫我, 覺得改期對我好d, 其實呢樣都係小事, 去台灣影相可能要改期令我更難開口, 我自己係萬般不願意, 但需要改期的機會太大啦, 我一定要先和您商量, 唉……見到您失望個表情……其實我比您更加更加唔開心……

好啦, 做好最壞打算, 又有您咁細心的呵護，　又有媽咪的靚湯，我會乖乖專心養好身體, 要開開心心, 希望可以快d康復, 減低對我地planning的影響啦

Love You

老婆仔而家身體唔係咁好, 唔可以咁操勞, 要多d時間休息,

雖然可能令到我地的安排廷後, 令到我地都唔開心,

不過唔緊要嘅老婆仔, 而家只係我地人生新開始,

依d只不過一時間的低潮,

無論貧賤富貴, 老病生死, 老公都會守候住老婆,

永遠陪伴老婆仔身邊, 陪着您走一生的每一步

～陪著你走～

誰說時間片刻變陳舊
全為我分秒亦停留
因我　身邊有你緊握我的手
愛，誰說永不會長壽
陪著你一生到白頭
都能把心中星星閃得通透
陪著你走　一生一世也不分
天天編出兩雙足印
過千山過千海
如果走到這世界邊諯
我倆已是無力前行
跟我一起飛去
一世伴你同路去......

(閱讀全文)

希望您真係諗通晒啦, 我絕對唔希望俾到d咁的感覺我愛的人, 我唔容許自己俾d咁感覺俾您同我父母, 您地3個係我最愛最緊張的人呀

 發現左老公一年前準備的小禮物小驚喜, 佢話等我自己發現, 點知我一年後先發現(已經算快啦, 我都唔攪人地d野), 好得意, 好有心思呀

老公, 您又不知不覺展示您的長處, 冧死人啦

一放工收到老公電話, 佢好唔開心, 好消沈, 好想攬住佢, 安撫佢, 但又約左大gathering, 唯有係電話度安慰佢, 好小事係佢d同事衰(係事實), 點知我的安慰同鼓勵, 佢接收唔到, 仲語氣好重咁講左d野, 唉, 佢心情低落我點會唔知唔明, 只不過想安慰同鼓勵, 乞令佢開心番d, 但佢有咁的感覺我好唔開心, 我無咁意思, 我亦從小立志唔會做咁的事, 所以佢咁講, 我好震驚, 好唔開心......

今晚食飯其實真係幾開心, 因為好耐無見d同學, 見大家都生活得好好, 好開心

不過, 老公唔知點呢............

 但我都知您自己已經諗通先同我講, 我地係sell坦白的, 如果可以的話, 希望您所有野都同我講, 我可以同您分享, 協助您想通或解決 不過, 我都知唔容易, 有d野您會想同fd講, 好慶幸您有一個好好的男性朋友, 我覺得佢的意見會中肯, 所以都好放心您去同佢傾吓, 聽吓其他人意見, 不過最好梗係同我講啦

老公:

只要您愛我的心意不變, 您最大的優點永遠都存在, 唔會因為物質生活改變而消失架, 不要過份擔心, 不要作無謂的比較, 每個人都不一樣, 沒有一個人可以得到全世界認同, 有我認同您, 還不夠麼

老婆

老公話11點出門口, 點知佢11點先同阿媽落街食早餐, 我唯有幫佢地攞位, 食完12點搭車, 1點到機場check in, 1:25分31閘登機, 2點飛, 我送佢去入閘, 同小老公小老婆影幾張相(佢地跟埋去上海), 好唔捨得咁睇住佢入閘, 跟住即刻去2樓美心, 睇吓見唔見, 落足眼力都睇唔到, 又想見, 所以打俾佢, 原來佢仲未過完關, 之後我地又見到, 不過隔好遠, 我睇住佢行去登機,  係電話度講byebye, 我就走啦

但係未夠鐘, 老公叫我係機場行吓, 唔知點解, 佢走左我就無晒心機, 連舞都唔想跳, 係機場行嚟行去, 成日唸佢做緊咩野, 點知行到戲院, 1:42佢打俾我, 聽到佢把聲, 我d眼淚係咁湧出嚟, 我都覺得自己傻傻地去3-4日都咁

直到佢打電話話到左, 先安心, 不過都係無心機, 直到頭先打去同老公傾左35mins, 先有番d心機, 打到呢篇野

老公

好掛住您, 您快d返嚟啦

老婆

5點老公打嚟, 佢係灣仔呀, 原來佢今日做完野唔駛返公司, 好開心呀, 佢問我去唔去動漫節, 我覺得要$25per head入去行唔抵, 不過老公話當行街唔貴, 由我話事喎, 行邊都得(其實行街無興趣, 動漫節就特別d), 難得老公咁早就到灣仔, 就行動漫啦

今朝唔知點解想帶兩個鎖, 哈哈, 老公真係想去gym, 佢上我公司攞個鎖去沖個涼, 等我放工行街

我話要老公買份禮物俾我(因為上年都希買), 唔係太多人, 行得幾舒服, 有好多攤位都好靚, 我地影左好多相, 老公去返上年買個間賓果, 想買mouse墊手, 又想買八達通套俾我, 好心甜全部都係為我生活舒服方便去唸), 但我想行晒全個場先決定, 之後老公又想買公仔花俾我, 我唔要, 其實我只係要老公送禮物俾我, 唔想花太多錢

之後, 買左一對passport套, 好開心

之後見到老公同我之前想買的mimo, 比外面平, 好想買, 好靚, 不過我都係唔好咁衝動, 睇吓先, 行行吓見到新的momo file買左個俾經理人, 我自己有file費事再買, 最後都決定買mimo, 揀左好耐老公都唔耐煩啦

最後買多2本日本雜誌有袋送架

我有咁多戰利品, 老公得passport套, 我問佢想買咩, 我送, 佢都話無野啱

老公:

您好乖呀, 唔亂駛錢, 你改變好多呀, 從前的您一定會買番份紀念品

您好叻呀

愛您的老婆

我決定今日放學要坐亡命van去見老公, 見得1 1/2個鐘都好