今日下午約左老公仔一家人去睇交吉, 如果ok, 聽日一早打俾律師, 咁就可以收鎖匙, 做業主啦

 希望順利啦

之前忙睇樓, 樓價又係咁升, 揀唔啱, 婚期又越來越近, 好失落又迷茫

依家揀定左, 有屋住, 雖然裝修都會好煩同忙, 不過都唔會好似之前咁慌

我依家要努力update返d blog

係屋企門外，　我將一早準備好的禮物送俾老公仔（係我去專租男禮的地方，　租左一套俾佢，　等老公仔可以同我一齊靚），　佢見到張單好ｓｕｒｐｒｉｓｅ，　當佢睇清楚之後，　無我預期的ｓｕｐｅｒ開心，　仲係咁話我亂駛錢，　激死我啦

雖然佢之前跟ｐａｃｋａｇｅ已經有２套，　佢話一黑一白，　但我上去２次都覺得個間男裝太少，　ｄ款太ｐｌａｉｎ啦，　而且如果個幾個款都唔襯老公仔點算（老公仔知我唔鍾意個間選擇太少，　俾我係外面再租，　佢就係個度揀，　用左ｄ　ｑｕｏｔａ，　個間舗新郎新娘都少，　要佢係個度揀，　好慘）

所以我一直睇女裝外都有睇其他男裝，　不過租男裝的舖好少人講，　最出名個２間都好貴（其實我有咁多租衫ｑｕｏｔａ，　都唔夠膽亂咁嚟），　直到媽咪上去試左，　原來佢ｄ媽咪衫幾好，希望９９都揀到啦，　我都試左ｄ新娘禮服，　硬要揀１件都ｏｋ，　所以呢個ｐａｃｋａｇｅ的ｑｕｏｔａ攪惦啦）

我去左金都逐間男禮睇，　最後去左一間ｂｕｙ一件ｐａｃｋａｇｅ送俾老公，　就算佢係個間揀得唔靚或唔夠ｆｉｔ，　呢度都有過百件俾佢揀（我覺得它專租男禮一定ｐｒｏ　ｄ），　咁我地２個當日都可以靚靚，　結婚係２個人的事，　靚靚都要一齊，　只係新娘靚咪變個人ｓｈｏｗ，　咁點得架

老公給我的新年禮物

原來老公都有準備禮物俾我呀，　係一個好特別的２００８年月曆呀，　每一個月都有一張我地上年同一個月影的相，　好有意思呀，　ｒａｍａｉｎ番上年個個月我地做過咩，　全部都好有紀念價值，　仲全部用迪士尼相框，　真係好有意思，　我超級鍾意，　仲放左係公司張枱添

尋日係朋友新屋倒數完就要返屋企休息

希望我同老公永遠都咁ｓｗｅｅｔ　ｓｗｅｅｔ，　永遠恩愛

 １１月２３日順利完成我地的浪漫，　甜蜜，　溫馨的婚禮，　所有人都ｅｎｊｏｙ

點知行到商場附近, bf突然叫喎, 原來見到佢澳洲個fd-阿漢, 真係有緣, 上次佢2月返嚟, 約bf個日就係bf送花求婚, 今日又係呀, 其實bf上次唔記得攞佢contact, 攪到想找他做伴郎都唔得, 估唔到可以撞到佢, 仲要係咁特別的日子, 不過佢要返學, 未必返到嚟做伴郎, 唔緊要啦, 起碼問左先

到左酒店啦好多人食buffet呀, 本來訂唔到下面要坐上面, 次次攞野食都要行樓梯, 我地試下再問啦, 下面有張邊的2人枱, 雖然上面靚d, 不過老公話我"倫俊", 坐下面攞野食好d, 坐定之後有人同我講匯豐咭有優惠, 我都唔知點答佢, 我話唔駛, 我bf叫我答佢"我地唔駛錢架喎"

有好多野食, 又有大閘蟹, 我地由7:30食到10:00, 每樣試少少都超飽, 中段仲有個住場歌手, 自彈同老公仔合唱立首"right here waiting", 好好聽呀,

超開心, 食buffet唔駛俾錢個感覺好正, 多謝黃金海岸頒呢個"最具夫妻相情侶"獎俾我地, 令我地倒數一周年食得咁豐富又唔駛錢

Last day啦, 基本上執晒野, 無野做, lunch老細請食日本野, 佢講左請食飯差不多3年, 終於有得食啦

臨放工, 佢俾左封reference letter我(好叻仔喎, 從未試過咁有效率), 仲有一張咭, 佢話找不到mickey icon, vho剪貼左個mickey同minnie上去, 佢叫我take care時好感動, 我行晒全公司同所有人say goodbye, 好唔捨得, 不過要趕去機場, 唔可以留太耐, 返屋企食完野, 沖完涼, 就去機場啦

點知班機delay, 要1:30am先開, 同老公傾電話傾到12:30就叫佢瞓啦

等上機, 拍下野, 影下相, 上機等食餐, 食完瞓一陣就到, 原來得3個鐘機程

唔夠瞓, 個個都好累

尋晚老公問今日幾點出旺角買video cam, 我話要好早, 已經忍起佢懷疑架啦, 無法啦, 要先去買頭花for聽日影相, 個lunch buffet 12點開始到2點, 更係早到好啦, 3點個talk開始, 啱啱好

叫老公搭962出港島, 佢係咁問我去邊, 我就亂咁答(我做surprises真係唔太惦),

佢話好如果一早知尋晚就唔行咁夜(我見佢咁累都唔忍心, 不過一早講就無surprise啦)

R66真係好view, 仲俾到窗口位俾我地, 一路食一路轉好得意呀, d境成日唔同(其實成餐飯先轉左2個圈), d野食就一般, 但view好正, 我地勁開心呀, 我用相機拍左段片, 玩到2點半先走, 要快d行去talk啦

一去到就填抽獎表格先, 入到去已經開始左, 無位坐(單位我唔坐, 我要一齊坐), 頭一個talk ok, 跟住有d悶, 我地就行下d booth先, 飲下野台有紅酒, 橙汁同汽水, 見到有free試妝, 去試下先, 點知排到6點(都ok啦5點先抽獎), free影相, 梗係等我化完先影啦

無野做又返去聽talk, 到葉青霖啦, 佢講野好攪笑, 請左番版張柏芝”炎菁”做model, “炎菁”好上鏡好靚, 葉菁霖影的相好 feel, 大師級係唔同d, 不過佢講攝影多過被影

到抽獎時間啦, 最大的獎就係由葉菁霖影的婚紗相一輯, 不過我地抽唔到, 去攞小 食同飲品(小食係酒店級架), 跟住去化妝, 都幾細心架, 化完影相, 每pair影4/5張, 我老公仔仲抱起我添, 但佢地只會揀一張執, 然後晒比我地, 佢地揀左老公抱起我個張, 好靚呀, 睇嚟現代經典的質素唔差(老闆, 化妝師, 攝影師都惦), 之後我地又同葉菁霖傾下, 又同佢同佢老婆(廖安麗)影相, 跟住我地就趕落旺角買video cam, 返到屋企都唔早啦, 要快d瞓啦

收到電話confirm去10/19葉青霖個talk, 教人影婚紗相, 又有得影相架, 一個月前已報名, 諗住10/19學完(順便慶祝老公生日), 10/20影芝柏就有用

10/20係老公生日, cyberport得幾間舖, 又咁遠, 想俾surprises老公都難, 唯有諗10/19啦, 個日public holiday, 但老公其實諗住休息, 因為上次3/5我生日影法國, 老公發高燒, 因3/4佢帶我上山頂慶祝, 我又敏感腫到豬頭咁, 要即刻落山找醫生打針, 晚飯都cancel呀, 所以佢諗住今次留係屋企抖足精神最安全, 哈哈, 咁佢生日未好悶囉, 唔得老公生日喎, 我鍾意surprises

既然要去wan chai, 不如食r66啦, 食lunch未唔會太夜返屋企囉, 不過, 影相前已經無減肥, 仲要食buffet, 算啦, 老公生日要盡慶, 不過book唔到窗口位, 唯有要car位, 希望個view ok啦

今日要瞓身準備老公生日啦, 同日都係影第二輯婚照-芝柏的大日子啦, 有好多野準備

1)      買video cam俾老公做生日禮物(要格價, 連買邊款都未知)

2)      諗下點俾驚喜老公

3)      要諗定芝柏要2婚紗or1婚紗1晚裝

4)      要買定nubra(仲未知係邊買)

5)      要整理下帶去影相的野

6)      公司confirm左last day要plan下同father&mother27/10出發去邊度旅行

咁短時間要做咁多野, 要加油呀

第一步係放學後係cwb睇下d video cam, 其實都唔知老公有咩要求, 我只係依價錢揀左2/3部, 但問下同事意見, 又各有理據, 攪到頭痛, 個晚睇完想落旺角格價, 但參加完2個婚禮好累, 要俾surprises老公就要今日去埋, 又唔可以找老公商量, 唯有去m記冷靜下, 幫老公換個字先啦

坐極個頭都痛, 咁貴又唔可以買錯, 都係打俾老公問下點算先

聽到老公把聲人都定d, 老公叫我快d返屋企, 佢其實估到我買咩俾佢(因之前我試過拉佢去睇video cam, 唉, 呢個surprises好失敗), 佢話咁貴唔好玩, surprises, 要睇定d, 佢話星期四同我去旺角睇, 好野唔駛諗, 可以返屋企啦, 真係好累呀, 老公對我真係好, 我要諗下有無其他surprises先

今日係達達大日子, 本想由早跟到晚, 幫達達影多d相, 但尋晚成2點先瞓, 所以決定放棄早上個part, 由教堂開始join, 點知醒左就瞓唔番, 始終達達一世人一次, 我都唔想miss anything, 所以快快手梳洗, 就出門口啦

去到見到全部黃仕家族(除三姑pair), 總共7pair人飲茶, 有d混亂(到我可能仲多, 一定要安排好d)

之後, 食飯等去教堂(等接老公), 教堂好靚, 有時代感, 好順利

跟住到酒樓, 影相同坐有混亂, 我地太多親戚啦, 一定要安排好d, 之後又介紹下老公仔俾人識

順利完成, 恭喜恭喜

今日係朋友大日子, 超早起身, 因為要8點前去到將軍奧, 雖然第一之做姊姊, 又第一次做mc, 但一d都唔緊張, 可能我抱住參考的心態啦

可能我做資料搜集都有一定時間, 好多都係預期之中, 只不過真係有好多, 錯亂, 唔夠時間呀

老公仔話幾well plan 都一定會咁, 只係多同少的分別, 希望我bday少d啦

超開心, 老公仔嚟接我, 好彩漏左件衫, 如果唔係我就上左車先打俾老公, 咁佢就接唔到我架啦, 其實我咁急都係我想join老公bbq, 佢d fd同佢慶birthday呀

我第一次做司儀表現唔錯, 只係太細聲(咳左2weeks, 睇左醫生都唔好, 所以唔可以太大聲, 會咳), 其實我今日都睇左好多野, 要好好同老公傾先

聽日到達達大日子啦

成日唸住整下個頭，　老公唔太鍾意我電髮，所以唸住ｈｉｇｈｌｉｇｈｔ，　等ｇｐ輯相個頭無咁實

星期六要幫朋友做ｍｃ，　所以呢個星期內整就可以一舉兩得

但日日都好ｆｕｌｌ，　就今日啦，　不過去邊度整呢，　放工去ａｐｍ太遠啦，　去中環個間又唔知好唔好，　老公話試吓中環喎，　但試中環又要唸電唔電髮，　因為佢個ｐａｃｋａｇｅ好抵＄４９８（剪，電，　ｃｏｌｏｒ＆ｔｒｅａｔｍｅｎｔ），　最後老公同意下，決定電

去到等好耐呀，　因為個fd的媽咪同奶奶都係度整頭, 我就同佢個妹(伴娘)傾

電完髮已經好夜啦, 電得唔錯, 唔太卷(不過怕好快直), 有番style, 無咁老土, 不過黑色真係唔太得, 唔知今個week有無時間做埋color呢

 http://www.darizi.com/hk/blog/estar1123/

呢個website攪左個比賽, 最多人click的blog會有獎, 我地有幸能成為第一位, 不過, 第二位那pair人好勁呀, 一日多成200click , 好快會追過我地, 唔通佢地真係咁多朋友幫手

個比賽到11月11日, 我會一直在那邊update直至比賽結束, 雖然個勢比人弱, 不過, 我做人的一定"盡力而為", 無理由咁易放棄架

希望各位朋友幫下手, 一上網就click, 得閒又click, 唔睇都click下啦, SUPER THANKS

  http://www.darizi.com/hk/blog/estar1123/