一開電腦, 老公話有野睇

原來佢用婚紗相整左slideshow, 好靚呀仲揀左d好有意思的歌佢話捱左好多晚夜, 睇到我想喊好感動

其實我老公不嬲都好有心思, 不過依家好忙, 佢工作又唔係咁順利, 所以少左機會俾佢表現佢的心思, 今次真係好開心呀, feel到老公一直都有為婚禮努力, 真係叻叻 抵錫

 老公一早借左車, 等我地去cyberport舒服d, 老公先接我, 再去附近接埋西門couple, 就向九龍灣出發, 接堆經理人就一行5人去揀相

 去到syberport, 剛剛11點, 超準時, 一個客都未有, 我地等左15mins, 先叫我地去個張大枱坐, 除sales位外, 得3張椅, 個sales都好好人, 抬多2張過嚟, 個sales好cool, 話camman已揀去部份唔得的相, 現有199張俾我地揀(得199張咁少, 我個日影左約3xx張), 個sales show俾我地睇3張edit左的相, 教完我地點用部apple電腦, 就行開, 等我地自己慢慢玩(最好唔好阻住我)

一開d相, 嘩同一個景有4-5張, 但唔係好靚, 雖然我地有時不太自然, 但最致命係攝影師角度唔好, 叫我地擺的post又怪, 有d相我地ok, 個景又ok, 但攝影角度唔好, 唔係個景穿崩, 就係有個影, 超失望, d人講到芝柏好勁, 名大過實

 199張總有d好的, 大概有30張, 不過佢地集中係幾個景, 有d景係全out, 一張靚都無, 我同老公唔想同一個景要太多相, 所以都out左4-5張幾靚(好唔捨得), 揀左差不多3個鐘, 我地太肚餓, 所以去food count快食之後再番去揀相簿

我地package包16張, 我地揀左20張到, 但加相要加到10張先有discount, 咁我地就加多幾張, 加到10張, total26張

返去再揀16張入相簿, 其餘10張要每張大3xx先可以入埋(咁貴我唔要), 加$3xx加大相框(唔要), 加$4xx將18張4*5整細相簿(唔整), 跟住我就走左去睇外租衫, 點知老公走過嚟話個sales俾special offer我地將框加大同整細相簿(做咩sell我老公唔sell我), 個offer都ok, 唔駛我出去再整, 所以join埋

 總括呢輯相唔得,  芝柏收咁貴交咁貨, 完全唔合格, 一d都唔值

攝影師好重要, 我suggest大家一定要mark攝影師

原來佢你１０月頭已經買左啦，　仲咁靚，　完全係我鍾意的ｓｔｙｌｅ，　不是入面唔知點解有１年體重記錄，　又有ｔａｒｇｅｔ，　又有脂肪比率記錄，　又有卡路里表，　有無特別含意

我本來唸住ｌｕｎｃｈ去買禮物，　點知個ｓｕｒｐｒｉｓｅ令我毫無準備，　好慚愧呀

講番紮ａｒｍａｎｉ玫瑰花，我真係好開心老公為左我咁捨得，　真係貴到離晒譜，　我返到屋企唸住放入花瓶，　但解開ｐａｃｋｉｎｇ之後，　簡直慘不忍睹，　有１／３的花要送進垃圾桶，　它們全都不能站起來，　莖部壞死，　餘下的２／３有幾支第二天都支持唔住，　全部屈到面向地下，　第三天只餘１２支玫瑰花，　佢地可以站在花瓶所以留下來，　絕對不能用靚來形容，　因為佢地就像入了雪櫃的花，　完全無開過已經開始有ｄ謝，　我今日已經打電話去投訴，　騙我老公辛苦賺的錢，　收咁鬼貴，　俾ｄ咁的貨佢，　我一定要ｃｏｍｐｌａｉｎ

去邊到買花都靚過又平過ARMANI呀

 您之前已經有花, 有介子, 跪地求婚, 而我都答應了, 真係估唔到您會再做一次, 為的是令我開心, 為我打氣加油, 仲一d都唔求其, 一樣有花(仲貴過上次, 係ARMANI/FIORI), 一樣有介子，　真係超ｓｕｒｐｒｉｓｅ見到我隻求婚介子（原來您尋晚係我屋企偷左，　不過我都唔知），　係同一地方跪下，又係ｌｕｎｃｈ（咁啱我轉工又轉到同一商廈），　一樣有拍ｖｉｄｅｏ，　上次背景有桃花，　今次有聖誕樹，　次次都有靚靚ｂａｃｋｇｒｏｕｎｄ

上次我只掛住叫您起身同面紅，　今次只係笑同ｓｕｒｐｒｉｓｅ，　唔記得叫您起身，　哈哈，　基本上，　兩次都唔知您講咩，　因為情緒失控

真係好ｓｕｒｐｒｉｓｅ呀，　原本唸住今晚可以去諍享用我地”最具夫妻相情侶”　個獎品，　去黃金海岸到食ｂｕｆｆｅｔ，　又可以行過隔離個場，　已經好開心，　我仲係網上ｓｅａｒｃｈ左係元朗＄２００有１打玫瑰，俾埋地址電話，　叫您放工買俾我開心吓（我地要儲錢嘛，　咁特別的日子，　我想買花開心吓，　所以ｓｅａｒｃｈ吓平平地玩吓，　我唸都無人會咁叫人買花俾自己），　怪唔得我俾地址您時，　您係咁笑我傻，　原來您一景早訂左花，　請左假，　準備好俾ｓｕｒｐｒｉｓｅ我，　我真係好感動（上到ｏｆｆｉｃｅ先想喊，　唔好意思，　不嬲反應慢少少）

我好幸福，　多謝您，　我會努力乖乖養好身體

７：００ｐｍ準時上到去，　老公仔例攞部ｖ　ｃａｍ錄低個過程，　佢地個ｏｆｆｉｃｅ好新，有好多花牌，　因為啱啱搬過嚟，　影左一陣有個女仔帶我地去會議室，　佢話要等下ｓｐｏｎｓｏｒ（梗係無問題啦），　有汽水紅酒招待，　個會議室有個”大日子”易拉架，　我諗梗係佈景啦

坐一陣就有２個西裝男人入嚟，　佢地係新華代表，　佢地派ｎａｍｅ　ｃａｒｄ，一個係ｍａｒｋｅｔｉｎｇ　ａｍ　－　ｍａｎｉ　，　一個係　ａｇｍ　－　ａｎｔｈｏｎｙ，　真係估唔到佢地派２個人，　仲要高級，　跟住有個唔識講中文的男人入嚟，　佢就係ｎｏｒｍ，係ｎｙｐ個老細＋攝影師，　佢係加拿大出世，　只識聽少少中文

　當ｋｅｉｔｈ入嚟後，　就開始啦，　先係新華，佢地準備左個ｌｏｇｏ　ｐｏｓｔｅｒ同信封，　由ａｎｔｈｏｎｙ頒發俾我地，　由大日子影相，　影左幾張就到ｎｏｒｍ啦，　佢話無新華咁靚（只不過無ｐｏｓｔｅｒ同信封得ｌｏｇｏ無寫字，　其實都好靚）　佢俾左張ｌｅａｆｌｅｔ我，　信封俾我老公，　我梗係識做揸住ｌｅａｆｌｅｔ影相啦

 之後，　ｎｏｒｍ就抄低我地ｂｄａｙ日期同我地個名，　哈哈，　佢以為我地係嚟緊幾個月結婚，　佢估唔到我地咁早準備，　跟住ｍａｎｉ就叫我地打俾佢，　因為ｃｈｒｉｓｔｍａｓ同ｎｅｗ　ｙｅａｒ都好ｆｕｌｌ，　佢要返公司ｃｈｅｃｋ，　佢地仲一再強調間酒店好正，　等我去完返嚟同大家報告吓啦

 再次多謝

ｎｏｒｍ　ｙｉｐ　ｐｈｏｔｏｇｒａｐｈｙ＆新華旅遊　

送出大獎

大日子　舉辦呢個比賽

所有睇過我地個大日子ｂｌｏｇ的朋友

我地真係好開心呀

多謝所有參觀過我的大日子的網友, 更加多謝不停幫我們點擊的好朋友, 我的經理人, 澳洲的gigi & bf, 台灣同學, 可愛網友carine, 老公的死黨西門夫婦…… 遍佈世界太多太多不能盡錄(實情係我一時間唔記得咁多)

所有籌備過程, 我地都堅持2人一起參與, 直到現在已經籌備了一年, 當中的所有經歷都直得再三回味, 今次有幸得到呢個獎, 令我們的籌備過程增添驚喜同色彩, 真的十分感謝各方好友

嚟緊呢一年, 我們會繼續努力, 希望係2008年11月23日, 令所有來賓都開心難忘, 感受到我們的喜悅同愛

老公, 生日快樂

一早起身, 好趕咁執晒d野就出門(不過老公仲有時間拍野), 去大快活買2個早餐外賣, 上巴士食, 點知好full呀, 我地坐隔一條走廊位, 將d野食, 花, 行李放晒係走廊度(好彩係上公路前最後一站, 無人會再行過), 好趕咁係公路完之前食晒佢, 係深水埗轉車, 上車後我就揸保濕, 仲幫老公揸埋, 因為佢都化妝, 但佢就顧住拍野

去到11:45, book 12:00, 啱啱好(本來諗住早d到), 老公放晒d野入locker(呢度係1化妝師1房, 每房有2個locker, 即係每個化妝師每日化2個, d 衫都掛埋係房度, 換衫化妝, 全部係間房度, 好方便

 老公揀衫, 我個化妝師未準備好, 我就出埋去揀, 男禮有一套任揀, 梗係要揀白色啦, 都有好多款呀, 有2套都好靚, 1套係王子(新架), 1套係伯爵, 最後揀左王子(其實2套都好靚仔), 因為好特別, 未見過, 伯爵係外面有機會租到, 化妝師叫我化妝啦, 我要先決定係1wg+1eg定2wg, 我個攝影師係lester(唔知點串 ),佢都話2wg好d, 可以同我影埋晚裝景, 好啦, 信佢啦, 我個mua係suki, 我帶左鮮花set頭, 佢用左好少我d花, 反而攞左d人地唔要的鮮花俾我做配花, 佢超惦 我2個婚紗頭set到同雜誌一模一樣

好靚呀, 個妝超自然, suki又好玩, 好開心呀 我地要追太陽, 我穿波鞋, bf幫我抽住個拖尾, 就2個人周圍跑, 哈哈, 好似顛左咁, camman同assistant都跟唔切, gp同cyberport d人都望住我地, 哈哈 我地影完日落後, 仲有好多室內景要影, bf, camman, assistant都有倦容, 得我一個仲咁high, 一直影到8:00pm 換衫落妝, book定揀相時間(最早要11月17日), 8:30pm最後1pair走, 之後落旺角食”打冷”, 跟住返屋企啦, 真係好累(我搭車先feel到), 但super開心 Bf都驚會大出血, 連佢都覺得今日2個頭好得(佢好少讚好架), 妝好自然, camman中間有俾過幾張我地睇都好有台灣feel, 好靚, 同埋今日影左超多相(比法國個次多好多), 好有危機 

我都擔心, 又怕d相太靚, 又怕d相唔得(其實我個日2件wg都成日走光, suki又幫我攪到好勁, 我怕出嚟我接受唔到), 好緊張呀

(閱讀全文)

ｃａｒｍａｎ好好人，　又俾好多新ｉｄｅａ我地，　睇嚟我地要慢慢研究吓啦

黃金海岸酒店website有我地張相啦

嘩, 今日5點到接到電話, 黃金海岸酒店打嚟話上次我地參觀時影個張相攞左"最具夫妻相"獎, 有2位自助餐券, 遲d張相會登係佢地網頁添

好野, 勁開心, 哈哈

一早我就準備好d髮型相帶去, 跟住落圖書館借本上海指南俾老公, 洗完頭, 媽咪準備左野俾我食, 食到飽飽地

出去見到經理人同阿茵, 我叫阿茵得閑可以睇我試妝, 我地3個去麥記買外賣去elaine舗食

elaine好nice, 我好多野講, 佢都仲咁nice, 無話我太嘈, elaine好多頭飾首飾, 全部都好靚好閃, 好鐘意呀, 不出我所料, 佢化得靚又細心, set頭快, 但我想再特別d, 不過佢的技巧俾到信心我, 我覺得我講得出的造型佢都會做到

經理人, 阿茵, 老公仔(第2個頭先到)都一致覺得好, 哈哈, 我當然即刻落訂啦, 又攪掂一樣

夜晚幫老公執完行李好夜先返屋企, 好唔捨得老公添

我先約經理人去tst, 先睇幾間衫

1)愛琴海 - 裝修好高級, 但衫少, 擺得好易睇, d款都幾ok, $1200 有1件

2)紫水晶 - 上次同老公睇相簿, 好唔得, 得到未來黃太tips後, 我地決定睇真身, 但佢地全部衫係袋, 又多衫, sales又無攞d出嚟, 我地自己睇左幾個架, 都有d ok, 就去睇番相簿, 認出頭先睇過d衫, 佢地d相真係影得好差, $2288 2eg+褂, 要上去試吓衫先得

3)溫馨 - 同上次一樣sales會將d衫係袋度攞出嚟俾我地睇, d a-line 好得(唔知同攞出嚟揚, 睇得清楚有關)

4) a&d - 上次同老公摸門釘, 今次再去睇, 裝修ok, 衫又係放係袋, 睇唔清楚, 個sales講野好大聲, 好多野講好煩, 又話d衫分左幾時著, 敬酒唔同送客, 影相, 要話俾佢聽件衫幾時著, 超煩, 好似要佢安排咁, 我鍾意幾時著邊件衫都得啦, $25xx 2eg, 又貴過前面幾間, d衫又同人地差不多, 所以out

到左expo, 主力睇租衫

1) 淺水灣春天 - 次次expo一入門都伙睇到佢d衫好靚, 今日坐低睇想簿, 件件都好靚, a-line超掂, 一睇價錢, 就要"忘記它", $22xx 1件...........

2) prefection - 經理人未行埋去都話靚, 不過都係貴, $32xx 2eg......

3) 歐陸婚紗攝影 - 未聽過, 但d eg同褂都ok, 係旺角, $22xx 3套, 可以上去睇吓

4) red wedding - 未聽過, 係金都, 但個booth整到好似好high class, 擺出嚟d衫超特別, 超古怪, 相簿的衫就普通, 可以不理

5)vanesse l - 衫ok, $4000 2eg, 仲要再加$500先可以租到老公鍾意的旗袍中式晚裝

仲有睇左其他租衫, 但貴又唔靚又唔特別, 所以唔無野寫

總結: expo得prefection值得join, 不過都幾貴..........暫時1st溫馨, 2nd紫水晶.........prefection有95%都唔諗啦