不過, 我uncle都話佢收得平, 但唔知佢手工點

呢個係網友介紹, 佢態度都唔錯, 不過都想睇多幾個師傅

好想快d攪惦, 可以搬d野入去, 同慢慢買野裝飾間屋呀

中間的辛酸......唉, 由2月20日收相, 到依家起貨, 中間夾住我懶惰同佢地修相差勁

不過, 由join到依家, 佢地d服務都好好, 尤其d相, 我超鍾意, 所以就算修相咁煩, 我都覺得值得

希望d製成品好靚, 順利無問題啦

 一開電腦, 老公話有野睇

原來佢用婚紗相整左slideshow, 好靚呀仲揀左d好有意思的歌佢話捱左好多晚夜, 睇到我想喊好感動

其實我老公不嬲都好有心思, 不過依家好忙, 佢工作又唔係咁順利, 所以少左機會俾佢表現佢的心思, 今次真係好開心呀, feel到老公一直都有為婚禮努力, 真係叻叻 抵錫

今日下午約左老公仔一家人去睇交吉, 如果ok, 聽日一早打俾律師, 咁就可以收鎖匙, 做業主啦

 希望順利啦

之前忙睇樓, 樓價又係咁升, 揀唔啱, 婚期又越來越近, 好失落又迷茫

依家揀定左, 有屋住, 雖然裝修都會好煩同忙, 不過都唔會好似之前咁慌

我依家要努力update返d blog

五點半起身六點三去check out, 好快, 佢地唔駛check房, 佢地攞2袋早餐俾我地, 每份入面有1盒(有1蛋,2火腿, 2腸, 2個牛角酥), 另加2支酸奶, 4個生果, 都ok啦, 好過無得食

6點半我地就坐番個架超豪華房車去機場, 今次我地依然係咁影(個旅程中最直得留戀), 我地仲用香檳杯飲perrier添, 不過外面黑漆漆, 睇唔到景, 無嚟個陣咁靚, 15mins後就到機場啦, 要告別我地的dream wedding car

入到機場黑漆漆, 一問原來7:00am先開, 早知瞓多15mins啦最後等到7:10先開放俾我地寄倉劃位

入到去我地就食早餐, 上機瞓教, 回程連包都無得食旅程咁快結束, 唔制呀, 咁早返到香港, 我地諗住去睇4d電影, 點知維修, 所以係機場食多個早餐就返屋企啦

一去到玄就即刻ｃｈｅｃｋ　ｉｎ啦，　點知佢話我個名錯左，　攪左一輪，　老公又唔記得寄防晒，　又攪一輪，　出左境，　我例牌一定要係禁區食早餐，　我地食ｐｏｐｐａｒｅｓ呀，　食完我又例牌要行ｄｉｓｎｅｙｌａｎｄ，　唔夠時間，　不過老公都買左野俾我呀好靚呀，多謝

趕住搭無人架駛去閘口，　閘口附近仲有好多野行，　不過無時間啦，　ｆｉｎａｌ　ｃａｌｌ　啦

架機坐唔滿，　有好多鬼佬，　我仲估緊有無飛機餐食，　好快見到空姐派野，一人一個包無得揀，　只可揀飲品，係牛肉蛋漢堡，　都ｏｋ，　食完都差唔多落機 

到海南島三亞啦，　個機場好有特色不過好細，　我地不停影相，　攞完行李就出去睇吓，　有個酒店牌寫住老公個名（唔係我），　佢幫我地推行李，咁我地跟佢行，　一出機場見到架黑色房車，　但佢繞過左，　又見到架ｖａｎ仔，　好彩佢無停，　點解泊咁遠，　嘩，　佢終於停啦，　嘩嘩嘩，　我同老公係咁嘩，　跟住係咁影相，　全程超級興奮（得１５ｍｉｎｓ車程），　呢ｄ先叫房車，　如果可以用佢做結婚花車就好啦（發緊夢）

係酒店攪左一陣，　間房未清潔好，　我地放下行李決定去天涯海角先，　門票１３０兩個人，　如果唔係個名有意思，　同埋帶老公去一個境點，都唔入呀，　咁貴，　又無野睇，　行到腳都軟，好彩最後出口買左海南島好出名的珍珠鏈結婚用預埋媽咪同９９，之後返酒店攞房，　間房都ｏｋ，　無架車咁驚喜

我地決定唔係酒店食出去食海鮮，　攪左好耐先找到網友推薦的春園六排二

自己買海鮮俾佢地烹，　食到行唔郁都係１４０，　正

但都要行埋超市，　聽日唔出都有野食買埋手信同野食就打的返去

 早機去, 超早機返, 不過係獎品都無計啦(鳴謝新華旅遊)

其實, 我地都要俾 $1040 for 2, 燃油附加費(飛45mins都要咁貴油), 要食要交通, 其實都駛唔少, 最慘係8:35am返, 早餐都食唔到, 返到香港9點幾(再早d我星期一可以唔駛請假, 直接返工添), 咁豪的酒店, 瞓2晚, 食得1餐早餐, 又唔夠時間享受, 未去已經唔捨得啦

呢間就係我地間酒店啦, 好似好靚喎, 你地等我去完報告啦

http://www.kempinski-sanya.com/cn/home/index.htm

係屋企門外，　我將一早準備好的禮物送俾老公仔（係我去專租男禮的地方，　租左一套俾佢，　等老公仔可以同我一齊靚），　佢見到張單好ｓｕｒｐｒｉｓｅ，　當佢睇清楚之後，　無我預期的ｓｕｐｅｒ開心，　仲係咁話我亂駛錢，　激死我啦

雖然佢之前跟ｐａｃｋａｇｅ已經有２套，　佢話一黑一白，　但我上去２次都覺得個間男裝太少，　ｄ款太ｐｌａｉｎ啦，　而且如果個幾個款都唔襯老公仔點算（老公仔知我唔鍾意個間選擇太少，　俾我係外面再租，　佢就係個度揀，　用左ｄ　ｑｕｏｔａ，　個間舗新郎新娘都少，　要佢係個度揀，　好慘）

所以我一直睇女裝外都有睇其他男裝，　不過租男裝的舖好少人講，　最出名個２間都好貴（其實我有咁多租衫ｑｕｏｔａ，　都唔夠膽亂咁嚟），　直到媽咪上去試左，　原來佢ｄ媽咪衫幾好，希望９９都揀到啦，　我都試左ｄ新娘禮服，　硬要揀１件都ｏｋ，　所以呢個ｐａｃｋａｇｅ的ｑｕｏｔａ攪惦啦）

我去左金都逐間男禮睇，　最後去左一間ｂｕｙ一件ｐａｃｋａｇｅ送俾老公，　就算佢係個間揀得唔靚或唔夠ｆｉｔ，　呢度都有過百件俾佢揀（我覺得它專租男禮一定ｐｒｏ　ｄ），　咁我地２個當日都可以靚靚，　結婚係２個人的事，　靚靚都要一齊，　只係新娘靚咪變個人ｓｈｏｗ，　咁點得架

老公給我的新年禮物

原來老公都有準備禮物俾我呀，　係一個好特別的２００８年月曆呀，　每一個月都有一張我地上年同一個月影的相，　好有意思呀，　ｒａｍａｉｎ番上年個個月我地做過咩，　全部都好有紀念價值，　仲全部用迪士尼相框，　真係好有意思，　我超級鍾意，　仲放左係公司張枱添

尋日係朋友新屋倒數完就要返屋企休息

希望我同老公永遠都咁ｓｗｅｅｔ　ｓｗｅｅｔ，　永遠恩愛

 １１月２３日順利完成我地的浪漫，　甜蜜，　溫馨的婚禮，　所有人都ｅｎｊｏｙ

下年請佢地飲